ගුවන් හමුදාවට අයත් පුහුණු ගුවන් යානයක් ගුවන් හමුදා චීනවරාය කඳවුරු ප්‍රදේශයේදී අනතුරට ලක්ව තිබේ.
ශ්‍රී ලංකා ගුවන් හමුදාව නිවේදනය කළේ, ගුවන් හමුදා චීනවරාය විද්‍යාපීඨයේ පිහිටි අංක 01 පියාසර පුහුණු පක්ෂාංගයේ ගුවන් නියමුවන් පුහුණු කිරීම සඳහා යොදාගනු ලබන PT 6 වර්ගයේ ගුවන් යානයක් එලෙස අනතුරට ලක්ව ඇති බවය.
අද (07) උදෑසන 11.27ට පමණ ගුවන් යානය චීනවරාය කඳවුරු ප්‍රදේශයේ දී අනතුරට ලක්ව ඇති අතර, අනතුරින් එහි ගමන් ගත් නිලධාරීන් දෙදෙනා ජීවිතක්ෂයට පත්ව ඇත.
ගුවන් හමුදාධිපති එයාර් මාර්ෂල් උදේනි රාජපක්ෂ මහතා විසින් අනතුර පිළිබඳ විමර්ශනය කිරීම සඳහා විශේෂ පරීක්ෂණ කමිටුවක් පත්කර ඇති බව ද ශ්‍රී ලංකා ගුවන් හමුදාව නිවේදනය කරයි.කෙසේ වෙතත් මෙම කඩා වැටී තිබුනු යානාව ගැන පර්යේෂණ කරන්න නුදුරේදී යොමුවෙතත් මෙයට ඇත්ත හේතුව වන්නේ මෙි වන විටත් හමුදාව සතුව ඇති යානා මෙන්ම උපකරණ සියල්ල පරණ නිසා යැයිද හමුදා ව හා සම්බන්ධ ඇතැම් විචාරකයන් පවසන්නේය. කෙසේ වෙතත් සිදුව ඇත්තේ වටිනා ජීවිත දෙකක් නැති වීමය.
මියගිය ගුවන් නියමු තරිදු කණිෂ්ක හේරත්
පුහුණු ගුවන් නිලධාරී පෙෂාන් වර්ණසූරිය
